بنت عز ما بتنهز
عدد المساهمات : 26 نقاط : 42 السٌّمعَة : 0 تاريخ التسجيل : 29/04/2012 العمر : 29 الموقع : الاردن
| موضوع: البنت سن العشرين الخميس مايو 17, 2012 7:21 pm | |
| البنت تيجى فى سن العشـــــــــرين تلاقى الام تركز معاها كده ف الرايحة والجاية وتقعد جمبها : يابت اتلحلحى يابت اخرجى وافرحى وحطى مكيــاج كده وخليكى زى البنات
المهم البنت يا عينى تحــس انها كبــرت وعجـــــزت وتبدأ رحله الضغينـه على أصدقائها... المرتبطات !!!
وتقعد تبكي بقي ع اللبن المسكوب (يا سلااام عليا وانا مثقفة ) على عمــــرهـا وتعمل البدع فروحهـــا ظنا منها انها يعنـى لازم تظهـر جمالها وحلاوتها عشان تتجوز بقي
تلاقى قرايبهـا جايين صف كل الى تسلم تزغل لها كده بعينيها اليمين( متسألونيش ليه اليمين ^_* ) وتجز على سنانها وتقول : مافيش حاجة كده ولا كده ياختى؟؟
ما تنجزى يا بنتي واتلحلحي كده شوية وانا مش فاهمة اتلحلح اعمل ايه يعني مش فاهمكم الصراحة
والغلبــانه تتجنن وتبدأ بقي تفرط في حجابها بعد ماكان طويل يقصر شوية واالبس بعد ما كان واسع يضيق شويتين و جرعه المكياج بعد ما كان بين صحابها بس بقي للي رايح ولا الجاي وكله بقي من اللحلحلة ^_^
ومن غير ما تحـــس تلاقى نفسهـــا بقت ألى ما يشتــــرى يتفرج عليها
لاننا فمجتمــــع ثقافتـه على قده ومحدوه بيعتقدو ان طالما وصلتى للعشــرين خلاص حان وقت بيت العدل ..
المهم البت بقى تتعقد فنفسيتها تقول لا مكياج نافع ولا ضيق نافع طب وربنا لأبين القصـــه بقى : وسع ياعم الحج
وتقرر فلحظــة غضب وتقول : أنــــــــــــــــــا هتروشن بقي وابقي بنت عصرية كوول
تبدأ المغلوبه تحـاول تكلم اى واحد والسلام يعملهــا satisfication للى مفتقداه
وطبعا كثـر ما بيكون حوار مالوش اي لازمة ف اي حاجة وغير مكتمل لان كلا من الطرفين لم ينضجـا بعد
وطبعا لو اتشقلبت على دماغها هو نصيب وبيجى وقت ما ربنا كاتبــه
(أتـــــى أمـــر الله فلا تستعجلوه )
وتضطر تتجوز اى واحد يتقدملها
عشان تبقى engaged بدل single
وتلاقى البنت احلامها وفكرتها عن الجواز منتهى الاضمحلال اى والله
هى فكرتها فستان وفرح وقاعه وحتتين جاتوه وساندوتش بسطرمه
وتيجى تشيل المسئوليه وتشيل هم البيت والعيال تلاقى الموضوع مختلف تماما
ترجع تفتكر ايام العز والسنجلة ( والله يا بنات احنا ف نعمة مش مقدرينها والله ) وتقول : ياريتنى ما اتجوزت
!!
طيب لا سجل عاجب ولا ماريد عاجب نعمل ايه فيكي احنا بقي طويب ^_*
يا جدعان الجواز مش دبلـه وانك تشتركى فعرض الرسايل وتقضيها موبايلات ومسجات
اهدي بقي كده وصلي ع حبيبك اللي هيشفع فيكي وفكرى صح
ومش عشان الستات اللي كل شوية يشوفوكي يقولوا يا عيني هو انتي لسه يا حرام هو مفيش حاجة هو انتي بقيتي كام سنة دلوقتي (وانتم مالكم انتو انا كام سنة اما غريبة والله)
برضه مش هرضي بأى واحد والسلام لا لازمن تفكــــــرى : اللي انتي هتتجوزيه ده هيبقي ان شاء الله ابو ولادك يعني ولادك هيبقي زيه وهياخدوا كتيرمنه شوفتى ان الموضوع اكبر من دبله؟؟
عـــــــــــــز نفسك تجدها عزيزه
مهما حصـــــــــــل خليكـى جوهرة مصونه يصعب الحصول عليها
خليكـى زى ما انتى فحياتكـ والتزمـاتك وما تتخليـش عن أى مبدأ من مبادئك عشان جنس مخلوق
لان باختصار ماحدش هيخاف عليكـى اكتر من نفسك
والطيبون للطيبــــــــات طول ما انتى طيبه عمر ما ربنا هيوقعك فحاجة وحشه ابدا ويا ستي خلي اللي يقول يوووووووووووووووه.. هو الكلام بفلوس يعني والستات اللي بيغيظوكي وبيحرجوكي دول لاني انا حاسة بيكي موجودين ف كل مكان وفي كل حال
عارفة لو اتجوزتي اي واحد والسلام هيقولوا يعني هو انتي مكنتيش لاقية غير ده وبرضو هيتكلموا فسيبك بقي من كل ده
واعرفي ان نصيبك هيجيلك لحد باب بيتك ممكن يطول شوية .. شويتين .. تلاتة ... اربعة . خمسة :D
بس هيجي ان شاء الله خليكي انتي بس واثقة في كده واعرفي انك تستاهلي حد كويس اوووى وان ربنا مقدر ليكي الخير وهيبعتو ليكي وساتها هتفرحي اووووووووووى وتعرفي ان ربنا كريم اوووووووووووى اكتر ما اكنتي متخيلة
وخليكي واثقة ان مهما عملتي مش هتتجوزى غير جوزك اللي ربنا كاتبه ليكي لو عملتي ايه بقي
لا مكياجك ولا لبسك الكوول ولا روشنتك هتجيبلك زوج غير اللي مكتوبلك ع فكرة يبقي بقي ترضي ربنا لان سبحانه عنده خزائن كل حاجة كل حاجة تتخيليها
ادعي لربنا انه يرزقك الزوج اللي تتمنيه وهتلاقيه جايلك انتي بس خليكي ع عهدك وعدك مع ربنا ^_^
وربنا يرزقني وجميع بنات المسلمين الزوج الصالح والذريه الصالحه ويحفظنا جميعا يارب
والسلام عليكم ورحمه الله وبركاته[/justify][/color][/color][/b] | |
|
محمد ابو ياسين Admin
عدد المساهمات : 884 نقاط : 1983 السٌّمعَة : 15 تاريخ التسجيل : 24/07/2011 العمر : 34
| موضوع: رد: البنت سن العشرين الجمعة مايو 18, 2012 11:34 am | |
| | |
|